"İdman Könüllüləri və Azarkeşləri" İctimai Birliyinin azarkeş qrupunun üzvləri "Paris-2024" Yay Olimpiya oyunlarında fəal iştirak etmiş, idmançılarımıza dəstək olmuşdurlar. Üzvlərimiz Azərbaycan sablyaçısı Anna Baştaya, olimpiya çempionu adını qazanan Hidayət Heydərova dəstək olublar. Bununla yanaşı Azarkeş qrupumuzun üzvləri Azərbaycan Demokratik Cümhuriyyətinin banilərindən olan Əlimərdan bəy Topçubaşovun Parisdə yerləşən məzarını ziyarət ediblər.

Sentyabrın 19-da yeni üslubda təşkil olunan “Sağlam həyat” səyyar layihəsinin təqdimatı keçirilib. Gənclər və İdman Nazirliyinin təşkilatçılığı ilə Tofiq Bəhramov adına Respublika Stadionunun qarşısında təşkil olunan layihədə İKA könüllüləri fəal iştirak edib

İKA – “İdman Könüllüləri və Azarkeşləri” İctimai Birliyi və JET Academy arasında imzalanan memorandum ilə yeni bir səhifə açıldı. Təhsil və idmanı bir araya gətirən bu əməkdaşlığın ilk addımlarını atdıq.

İKA üzvləri FIBA Avropa Kuboku çərçivəsində ölkəmizi təmsil edən “Sabah” basketbol klubunun oyunlarının təşkilində fəal iştirak ediblər. 

Bakıda Dənizkənarı Milli Parkda Gənclər və İdman Nazirliyinin Azərbaycanın Vətən müharibəsində qazandığı möhtəşəm Zəfərin 4-cü ildönümünə həsr olunmuş “Qələbə qaçışı” adlı növbəti xeyriyyə yarışı keçirilib. İştirakçılar arasında İKA üzvləri də yer alıb

Şəki Olimpiya İdman Kompleksində İdman Könüllülər və Azarkeşləri ictimai birliyinin üzvləri üçün “Könüllü Gənclərin Payız Düşərgəsi” keçirilib. Düşərgədə iştirakçılar peşəkar təlimlərə cəlb olunub, idmançılar və bloqerlərlə görüşlər keçirib, komanda işləri, əyləncəli idman oyunları, düşərgənin təşkil olunduğu regionun tarixi-mədəni və turizm məkanlarına səfərlər kimi maraqlı fəaliyyətlərə cəlb olunublar. Qeyd edək ki, düşərgənin keçirilməsində məqsəd könüllülərin MDB Oyunları haqqında məlumatlandırılması, onların fəaliyyət istiqamətlərinə uyğun bölünməsi, bilik və bacarıqlarının təkmilləşdirilməsi, beynəlxalq tədbirlərin təşkil olunması üzrə təlimləndirilməsi və onların bacarıqlarından tədbirlərin təşkili zamanı supervayzer, könüllü qrupların rəhbərləri kimi istifadə olunmasına fayda verməkdir.

COP-29 çərçivəsində Prezident İlham Əliyev FİFA-nın prezidenti ilə görüşüb

Noyabrın 16-da gənclər və idman naziri Fərid Qayıbov ölkəmizdə səfərdə olan tanınmış türkiyəli futbol mütəxəssisi Fatih Terimi qəbul edib. Qonağı salamlayan nazir ölkəmizdə idman sahəsində görülən işlər və qazanılan uğurlar barədə məlumat verib. Qonaq səmimi qəbula görə təşəkkür edib, ilk dəfə ölkəmizə 1996-cı ildə gəldiyini və Azərbaycan futbolu ilə bağlı maraqlı xatirələrinin olduğunu bildirib. Görüş zamanı iki qardaş ölkədə futbolun hazırkı vəziyyəti və uşaq futbolunun inkişafı yolları müzakirə edilib. COP29 çərçivəsində “Qarabağ” Futbol Klubunun təşəbbüsü ilə təşkil olunacaq futbol klublarının iqlim dəyişikliyi ilə mübarizədə birgə alyansın yaradılması ilə bağlı məsələlər barədə fikir mübadiləsi aparılıb.  Görüşdə “Qalatasaray” FK-nın 2-ci prezidenti İbrahim Hatipoğlu, “Qalatasaray” FK-nın İdarə Heyətinin üzvü Emin İmanov, Fatih Terimin köməkçisi Eray Sözən, “Qarabağ” FK-nın baş direktoru Əmrah Çelikəl və İdarə Heyətinin üzvü Asif Əsgərov da iştirak ediblər.

U-23 Avropa çempionatı

Ulu Öndər Heydər Əliyevin xatirəsinə həsr olunmuş dövlət qurumları arasında minifutbol turniri

Voleybol üzrə qadın və kişilər arasında keçirilən Azərbaycan çempionatı

“Azerbaijan International 2024” Badminton turnirinin təşkilində və həyata keçirilməsində müstəsna fəaliyyət göstərən könüllülərimizə təşəkkür edirik! 😊

Fevralın 14-də Azərbaycan Respublikasının Prezidenti İlham Əliyevin Milli Məclisdə andiçmə mərasimi keçirilib. Andiçmə mərasimində birinci xanım Mehriban Əliyeva, dövlət rəsmiləri, hökumətin üzvləri, Milli Məclisin deputatları iştirak ediblər. Mərasim iştirakçıları Azərbaycan Respublikasının Prezidenti İlham Əliyevi hərarətlə qarşıladılar. Ümumxalq səsverməsi ilə Azərbaycan Respublikasının Prezidenti seçilmiş İlham Heydər oğlu Əliyevin andiçmə mərasimi açıq elan olundu. Azərbaycan Respublikasının Dövlət Himni səsləndi. Prezident İlham Əliyev təzim edərək, Azərbaycan Respublikasının Dövlət Bayrağını öpdü. Azərbaycan Respublikasının Prezidenti İlham Əliyev andiçmə mərasimində nitq söylədi.

İdmanın təbliğində əvəzsiz xidmətləri olan İdman TV-nin yaranmasının 15 ili tamam olur. Telekanalın bütün kollektivini təbrik edir, gələcək fəaliyyətlərində uğurlar arzulayırıq.

08.11.2023-cü il tarixində “İdman Könüllüləri və Azarkeşləri” İctimai Birliyi üzvləri Qəbələ şəhərinə ziyarət etmişdir. “Zəfər günü”-də baş tutan səfər zamanı üzvlərimiz Qəbələdən olan şəhid azarkeş Təbriz Qasımovun məzarını ziyarət etmiş, “Qəbələ”nin U-19 komandasının UEFA Gənclər Liqasının Çempionlar yolunun II mərhələsində Yunanıstan təmsilçisi “Olimpiakos”la oyununda komandamıza dəstək olmuşlar

Azərbaycan Könüllü Təşkilatları İttifaqının təşkilatçılığı ilə Azərbaycan Könüllülük həftəsi 2023” layihəsi çərçivəsində “Ulu öndərin vəsiyyəti yerinə yetirildi” adlı intellektual turnir baş tutmuşdur. 07.12.2023-cü il tarixində baş tutmuş intellektual yarış zamanı könüllülərimiz “İdman Könüllüləri və Azarkeşləri” İctimai Birliyi adından iştirak etmişlər

Azərbaycan Respublikası Gənclər Təşkilatları Milli Şurasının təşkilatçılığı və ölkənin aparıcı tələbə və könüllü təşkilatlarının dəstəyi ilə Bakı Kristal Zalında ilin ən möhtəşəm gənclər tədbiri – “Gənclərin Həmrəylik Festivalı” keçirilib. On minlərlə gəncin iştirakı ilə təşkil edilən festivalın həyata keçirilməsində əsas məqsəd ərazi bütövlüyünü tam bərpa etmiş ölkənin qürurlu vətəndaşları olan gənclərin sevinc dolu 2023-cü ili yola salmaq və gələcək zəfərlər uğrunda dövlətin siyasi kursu ilə Azərbaycan gənclərinin həmrəyliyini dünyaya nümayiş etdirmək idi.

Dekabrın 21-də Xankəndi şəhər stadionunda futbol üzrə Azərbaycan Kubokunun 1/8 final mərhələsində Ağdamın “Qarabağ” və Bakının MOİK komandaları qarşılaşıb. 30 ildən sonra işğaldan azad olunmuş ərazilərdə keçirilən ilk futbol matçını izləyənlər arasında “İdman Könüllüləri və Azarkeşləri” İctimai Birliyinin üzvləri olub.

"İKA" könüllüsü olaraq həyatını daha rəngarəng və faydalı keçirib yeni dostlar qazana, eləcə də karyera imkanlarını genişləndirə bilərsən.

"İKA" könüllüsü olaraq həyatını daha rəngarəng və faydalı keçirib yeni dostlar qazana, eləcə də karyera imkanlarını genişləndirə bilərsən.