Beynəlxalq əlaqələr

İKA-nın idarə heyətinin sədri Atanur Cəfərli mayın 28-dən 31-dək Rusiya Federasiyanın Stavropol şəhərində “Rusiya və Azərbaycan gənclərinin IV təşəbbüskarlıq forumu”nda iştirak edib. Forumda ölkəmizi gənclər və idman nazirinin müavini İndira Hacıyevanın rəhbərliyi altında dövlət qurumları və gənclər təşkilatlarından ibarət 50 nəfərlik nümayəndə heyəti təmsil edib. 3 gün davam edən tədbirdə müxtəlif sessiyalar, plenar müzakirələr, startaplar, netvörkinqlər həyata keçirilib.  

Forumun keçirilməsində əsas məqsəd gənclərlə iş sahəsində beynəlxalq əlaqələrin inkişaf etdirilməsi, qarşılıqlı təcrübə mübadiləsinin aparılmasıdır.

2026-cı ildə dünyanın “İdman Paytaxtı” seçilmək üçün Bakı şəhərinin namizədliyi irəli sürülüb.
Tədbirdə Dünya İdman Paytaxtı Mükafatı üzrə Qiymətləndirmə Komitəsinin nümayəndələri, idman ictimaiyyəti və İKA üzvləri də iştirak edib. Bakı şəhərinin dünyanın “İdman Paytaxtı” olmağa hazır olduğunu əks etdirən təqdimat videosunda “İdman Könüllüləri və Azarkeşləri ” İB fəaliyyəti də nümayiş olunub.

“FIFA series – Edition 2024” layihəsi çərçivəsində keçirilən Azərbaycan 1-0 Monqolustan və Azərbaycan 1-1 Bolqarıstan oyunlarında @goyqurdlar azarkeş qrupu ilə birgə milli komandamıza dəstək olduq.

4-6 may tarixində Gənclər və  İdman Nazirliyi , Azərbaycan Kanoe və Avarçəkmə Federasiyası ilə birgə təşkil edilən "Prezident Kuboku 2023" beynəlxalq reqatası yekunlaşdı.

İdman Könüllüləri və Azarkeşləri İB-nin Mingəçevir Dövlət Universitetində olan könüllülərimizlə görüş keçirib. Görüşdə Reqata haqqında və görüləcək işlərlə bağlı məlumat verilib. Daha sonra isə könüllülərə sertifikatlar təqdim olunub. Daha sonra könüllülər Reqatanın keçirilməsində yaxından dəstək olmuşdurlar.
 

Aprelin 21-23 də Bakıda Avropa Badminton Konfederasiyasının 56-cı konqresi keçirilib. Konqresin açılış mərasimində Gənclər və İdman naziri Fərid Qayıbov, Milli Olimpiya Komitəsinin vitse-prezidenti Çingiz Hüseynzadə və Azərbaycan Badminton Federasiyasının prezidenti Taleh Ziyadov çıxış ediblər. Ardınca Azərbaycan badmintonun keçdiyi tarixi yol və nailiyyətlərini əks etdirən videoçarx nümayiş olunub.

Konqres ərzində "İdman Könüllüləri və Azarkeşləri" İB olaraq, qonaqların qarşılanmasında, onların qaldıqları məkanda yerləşdirməyə, akkreditasiya və hədiyyələrin təqdim olunmasında köməklik göstəriblər. Eyni zamanda, qonaqların şəhərimizdə gəzməli-görməli yerlərinə təşkil olunan turlarda könüllərimiz yaxından dəstək olmuşdurlar.
 

18 Aprel tarixində İstanbulda "İdman Könüllüləri və Azarkeşləri" İB-nin sədri Atanur Cəfərli ilə “Genclik ve Spor Gönüllüleri" nin sədri Şenol Güneş arasında görüş baş tutub. Görüşdə hər iki könüllü təşkilatının birgə gələcək fəaliyyətləri müzakirə olunub, daha sonra əməkdaşlıq müqaviləsi imzalanıb.

6 fevral qardaş ölkə Türkiyədə baş verən ardıcıl zəlzələr zamanı zərər görmüş bölgələrə hümanitar yardım göndərilməsi həyata keçirilir.

"İdman Könüllüləri və Azarkeşləri" İB-nin üzvlərindən ibarət heyət bu yardımların toplanması, çeşidlənməsi və göndərilməsi kimi proseslərdə könüllü olaraq aktiv fəaliyyət göstərib.

13-16 yanvar tarixində "Bakı İdman Sarayı"nda keçirilən kişi həndbolçuların 2026-cı il
Avropa çempionatının seçmə mərhələləri başlamışdır.

Millimiz ilk görüşündə “Malta” komandasını qəbul edib. "İdman Könüllüləri və
Azarkeşləri" İB də bu görüşdə iştirak edib. 3-gün ərzində millimizin hər bir oyununun son
anlarına qədər millimizi qələbəyə səsləyib, onlara dəstək olmuşdurlar.

16-19 Dekabr tarixləri arasında, “Bakı İdman Sarayında”, “Elm və Təhsil Nazirliyi” və
“Azərbaycan Güləş Federasiyası”nın birgə təşkilatçılığı ilə sərbəst və Yunan-Roma güləşi
üzrə yeniyetmələr (U-17) arasında “Təhsil” turniri keçirilib.
“İdman Könüllüləri və Azarkeşləri” (İKA) İB turnirin könüllülük fəaliyyətinin təşkilində
iştirak edib.

İKA könüllüləri yarışda iştirak edən əcnəbi idmançılar və məşqçilər heyətinin

havalimanında qarşılanması, otelə yerləşdirilməsi, habelə yarış zamanı tamaşaçıların giriş-
çıxışı, yönləndirilməsi və yarışın hakimlərinə dəstək kimi fəaliyyətlər göstəriblər.

Onu da qeyd edək ki, “Dünya Güləş Birliyi”nin (UWW) təqvimində yer alan turnirdə
Azərbaycanla yanaşı, Qazaxıstan, Tacikistan, İsrail, Böyük Britaniya və Fransadan gələn,
ümumilikdə 200-dən artıq idmançı iştirak edib.

Rusiyanın Moskva şəhərində keçirilən beynəlxaq forumda “İdman Könüllüləri və
Azarkeşləri” İB də iştirak edib.

30-dan çox ölkənin iştirak etdiyi “Biz Birlikdəyik” adlı tədbirdə “İKA” könüllüsü Murad
Mirzəyev də çıxış edib. O, öz çıxışında “İKA”nın yaranması, fəaliyyətləri və fəaliyyət
istiqamətləri haqqında danışıb.
Daha sonra isə 2024-cü ildə “MDB” ölkərləri arasında keçiriləcək “Könüllülər İli” tədbiri
haqqında müzakirələr aparılıb.

17.11.2022 tarixində "İdman Könüllüləri və Azarkeşləri" İB-nin sədri Atanur Cəfərli və
əməkdaşımız Fəzilə Ağayeva 11-ci Rusiya-Azərbaycan Regionlararası Formunda iştirak
etdi.

4-6 noyabr Heydər Əliyev adına İdman Sarayında Azərbaycan yenidən cüdo üzrə
“Böyük dəbilqə” turnirinə ev sahibliyi edib.

“İd Könüllüləri və Azarkeşləri” olaraq, könüllülərimiz yarışda iştirak edən
sənədlər və digər iştirak heyətinin hava limanında qarşılanması, oteldə
yerləşdirilməsi , yarışların təşkili, yarışlara gələn qonaqların yönləndirilməsi göstərilib
.

Həmçinin tribunada öz yerlərini alan işçilərimiz güləş üzrə milli komandamıza
dəstək göstərib, onları dəstəkləyə səsləyib.

Onu da qeyd edib ki, cüdoçularımız 4 qızıl, 2 bürünc medal qazanaraq komanda
sıralamasını ilk pillədə başa vurdu. Təbrik edirik!